Сад шукри ту эй холиқи ғамхор, Худоё, Карди дили мо зиндаву бедор, Худоё. Аз субҳи амал то шаби иқдоми аҷал кам, Гӯем ба забон номи ту такрор, Худоё. Ёрони ҷаҳон ҳеҷ накунанд ёрӣ агар ту, Ёри накуни бар каси беёр, Худоё. Ояд ба сари бандаи ту сели балоҳо, Дур сози ту он рахнаи озор, Худоё. Бемор ба ғаму ғуссаи бемори бимирад, Гар худ нахури ин ғами бемор, Худоё. Ҳеҷ як гуле дар рӯи замин хор нагардад, То он,ки худат гул накуни хор, Худоё. Бечора Анис дасти дуъо сӯи ту гӯяд, Моро ту саломат бинигаҳдор, Худоё.