Орифджон Кодиров

Фоҷиа: дар Душанбе як хонавода заҳролуд шуда, фавтиданд.

Марду зани 38 ва 37 - сола ҳамроҳ бо фарзандони 6, 8, 9 ва 11 -солаи худ аз дуди ангишт заҳролуд шуда, ҷон бохтанд.
Дар ин бора аз КҲФ ба Sputnik Тоҷикистон хабар доданд.
"Ҳодиса шаби 27 ба 28 феврал дар манзили як хонавода дар кӯчаи Гранзаводи ноҳияи Фирдавсии Душанбе сар задааст, ки барои рафъи сармо аз бухориву ангишт истифода мекарданд", - тавзеҳ дод КҲФ.
Манбаъ афзуд, ки аз ин ҳодисаи даҳшатбор нахуст ҳамсоя огоҳ шуданд ва ба мақомот хабар расонданд.
Дар робита ба ин фоҷиаи бузург КҲФ аз шаҳрвандон хост, ҳангоми истифода аз бухорӣ ва ангишт эҳтиёткор бошанд.
Акс: шабакаҳои иҷтимоӣ