P. S. Серыі пастоў і выстаў Рагачоўскага музея Народнай Славы 2024 - 2025 гг.. распрацоўваліся, каб распавесці аб выніках закрыцця "храналагічных дзір" і "белых плям" у гісторыі Рагачоўшчыны.

А таксама, каб абараніць гонар Рагачова, як гістарычнага і культурнага цэнтра немалой часткі Падняпроўя. Няхай і стаўшага, пасля пакутных 17 і 18 стг., на некаторы час мястэчкам (дарэчы, як і каля 30 іншых гарадоў Беларусі).

Мэтай серыі пастаў, прысвечанай старым фотаздымкам Рагачова, было расказаць аб выніках працы па лакалізацыі апошніх, не лакалізаваных фотаздымкаў Рагачова пач. 20 стг. А яшчэ даць уяўленні аб выглядзі і атмасферы дарэвалюцыйнага Рагачова. Артыкулы гэтай серыі мы выклалі за 2 месяцы, а дакладную лакалізацыю фотаздымкаў выяўлялі па дробязях амаль 5 год. Таму шчыры дзякуй ўсім тым, хто не баяўся вялікіх тэкстаў, чытаў ды лайкаў амаль кожны наш пост.

Дзякуй, што былі з намі!