Анарбу Макиева

КОРДУК

3 - БӨЛҮМ

Ушуларды ойлонгон Айжамал Абсатарга байкабай айтып ийгенине жини келип: "Кайдан оозумдан чыгып кетти, билгизбей жасаганда болмок экен", - деп ойлоп жатып, уктап кетти. Эртеси Абсатар аны эрте тургузду. - Айжамал, сен экөөбүз жашай албайт экенбиз, өз колум менен ата-энеңе тапшырайын, - деди үңкүйө. - Аби, кечирип койчу мени, экинчи эч унчукпайм, үйүмө барбай эле койоюнчу, сен эмне десең ошого макулмун, атам мени өлтүрөт. - Сенин ата-энең жакшы, а менин апам сага жаманбы ыя, эгерде апам же мен ооруп калсам сен соо калбайсың, айтып койоюн сенде бир сыр бар, ушундайда кеткениң оң. - Эмне сыр болмок эле? - Сен Акылбекке бирдеке бергенсиң, элден шыбыш уккамын, кантип эле о