Ochiq turar dasturxon, Ustida yo'q issiq non, Har tong uyg'onib endi, Kim non yopar onajon. Tishimga osh botmaydi, Bolaligim qaytmaydi, Qaqragan tomog'imga, Sizsiz ovqat o'tmaydi. Ochiq turar dasturxon, Baxtidan hamma shodon, Yurakka qil sig'maydi, Bir siz yo'qsiz onajon. Tortishib yoqalarim, Jovdirar ukalarim, Bu og'ir yukdan og'rir, Bechora elkalarim. Ochiq turar dasturxon, Men esa yutaman qon, Meni hech kim tushunmas, Bir sizchalik onajon. Dard qo'shilar nolamga, Sig'mayapman olamga, Buvim qanilar desa, Nima deyman bolamga. Ochiq turar dasturxon, Otam dard yutar pinhon, Choynak ham buncha sovuq, Bo'ydoqchilik ham yomon. Yig'ib sarpo kiyimni, Ko'rmadingiz to'yimni, Sovchilikka onab deb, Ol