Бул жалгандан мезгилсиз өткөн боордош, туулган жердеш, Кыргыздын алгыр куштарынын миңден бири Уланбек Эгибаев тууганымдын жаркын элесине арналат!!!
"Бир боорум"
Чындык үчүн кылып дайым далалат,
Сендей уулдар "баатыр" болуп саналат.
Тирүүсүндө көйгөйүңдү укпастан,
Эми минтип өлгөндөн соң бааланат.
Тууган-урук, атаң үчүн ааламат,
Кочкор эли таламыңды талашат.
Аты өчкүр коррупцияны жеңем деп,
Аттандыңбы келбес жайга сабалап.
Кайгы салдың! Кыргыз элин жалпыга,
Кайрат бербейт көңүлдүү сөз калкыма.
Көрүстөндө ачкан элдин көйгөйүн,
Кыргыз үчүн ал өзүнчө санжыра...
Байрагы жок асылгандай канжыга,
Бабам Манас урааны элең алдыга.
"Эс алууга убакыт жок"- деп жүрүп,
Эс алаарда кеттиң боорум жан чыга.