Антон Алкин

Тый Юмылан шанет?

Тый Юмылан шанет, Юмо деч посна илет? Шкендым Юмо деч кучет, Молан тунам илет? Кунам илаш йӧсӧ, Юмым шарналтет садак, Марла кумалмым, марий йылмым, Ош Кугу Юмым, полшыжо манын.. Ала таче ,ала эрла, Юмо гына пала, Кӧлан илышым тӧрла, Кӧлан тачак чарта. Эр кынелын ида мондо Кече тыйын йолгорно, Илыш кечет кодо, Юмын пыштыме корно.

Август.

Теве август эрта, Шыже толеш вашкерак, Тыге кеҥеж, илыш эрта, Шарналташ гына шукерак. Август шӱдыр йӱрлажым, Пыталтше эҥыжын тамжым, Весийланат август толеш, Илен шукаш вел кӱлеш. Йӱдым шӱдыр йӱржым ужаш, Эрак кынелын чодрашке куржаш. Поҥго памашым муаш, Шер теммешке погаш. Поҥго ок пыте, лектын шога, Эрлалан, салтак гай шогат. Ер вӱд ӱмбалне, каракаже модеш, Чорагай деч шылын коштеш. Эр тӱтра ер ӱмбалне шула, Эр мардеж, толкыным покта, Илыш курым толкынла, Серыш логалын шула. 29.08 24. А. Алкин.

Марийлан.

Айда, илышым пӧлена кумытлан Теҥгече, таче, эрлалан, Теҥгесе- шойыл кодо, Таче- илен кертам, Эрла- мом ончыкта тудо, Пален мый ом керт, Могай сӱретым чӱкта, Могай илышем кодо, Мылам пуэн ӱнарым, Кугезе шочмо йылмым Интернет гоч шалаташ, Ава чызе шӧр дене пуршо, Ӱмырешлан мый денем кодшо, Тачат марла ойлен кертам, Марла ойлыза ,тендамат йодам.