Дунёда ғам ташвиш келганда устун,
Ҳаёт берганини қайта оларкан.
Ҳеч кимим йўқ дея йиғласанг беун,
Ёнингда дўст бўлиб Онанг қоларкан.
Сен дея ўзини ўтларга уриб,
Тирилсанг тирилиб, сенла ўларкан.
Сенга термулганча хаёллар суриб,
Ёнингда дўст бўлиб Онанг қоларкан.
Ночор кунларингда ейишга нон йўқ,
Ҳатто аёлинг ҳам юзин бураркан.
Ўйлама у зотнинг нафсдан кўзи тўқ,
Ёнингда дўст бўлиб Онанг қоларкан.
Ғам келса қўша келгани каби,
Боғингда унган гулинг сўларкан.
Шу гулни қайтадан ундириб бериб,
Ёнингда дўст бўлиб Онанг қоларкан