გახსოვს არაგვო?..)) გახსოვს არაგვო, ჩემი ბალღობა? უშიშრად ვკვეთდი შენს ამაყ ზვირთებს, არცღა მაფრთხობდა შენი გრიალი, არცღა შიშისგან ვიმტვრევდი თითებს. გახსოვს არაგვო, წიწნკლებიანი კალმახ ამოჰყვა დაკემსილ ბადეს, დამფრთხალ ბავშვებმა ისევ გავუშვით გვეგონა სიკეთე სიკეთეს ბადებს. გახსოვს არაგვო, ჩვენი ლაღობა? საღამოსპირზე კოცონთან ჯდომა, ფანდურზე პაპის ნამღერი ლექსი, ბაბოს ბუტბუტი, მზრუნველი წყრომა. გახსოვს არაგვო?..ოჰ, აღარ გახსოვს, გადამივიწყე ბეჩავი ბალღი, ახლაღ წავიდნენ ნათელი დღენი, ღამე ჩამოდგა მგლისფერი, თალხი. ვაჰმე,არაგვო რად არ წამიყვან, რად არ მომწყვიტე ნორჩი ყოილი, არც ცოცხალი ვარ აღარცღა მკვდარი, ორ ცეცხლს შიგანღა ვარ მოყოლილი. მოვალ შენს ნაპირს, ამ ზაფხულ მოვალ ისევ უშიშრად გავაპობ ზ