Haydı avtobuslara! Kinoda görmüşdüm. Amerikadan gəlmiş bir turist dəstəsi Luvr muzeyini gəzirdi.Tabloların önündən tələsik keçir və sanki onları xəyal kimi sisli və toran şəkildə görürdülər. Guya tablolardakı sənət incəliklərini kəşf edir və sanki onlardan bir şey anlayırdılar. Bu turist dəstəsi bəlkə də beş dəqiqədə ziyarətini başa çatdırıb avtobuslara minərək oradan ayrıldı. Halbuki muzeydəki tək bir tablonun önündə illərlə dayanıb onu tədqiq etmək belə bəlkə də kifayət etməzdi. Hər zərrəsi möcüzə olan bu kainatı mən də turistlər kimi qəflət içində gəzib dolaşdım.Nə gördüm,nə də anladım. Bir azdan rəhbərimiz səslənəcəkdir: