Левая колонка

Айнуска Абдыкадырова

Последний визит: вчера 18:42

Фильтр

Заметки Увлечения

вчера 10:15

АЙЫЛ САГЫНЫЧЫ

Сагындым, тоолорумду жашыл чөптүү,
Аскасын көз жетпеген ак мөңгүлүү.
Таң эрте ойгонгондо көз чаптырып,
Турганда көңүл сергип, аба жыттуу.

Асман жакын өйдө карап тиктесең,
Аппак булут каалгып көктө тизилген.
Сапка кошуп керемет сулуулугун, Сагынычтуу ыр жаратам чын дилден.

Күкүк сайрап, таңкы мелүүн абада,
Жан сергитет, элегия, муза да.
Шүүдүрүмдүн жылт-жулт этет тамчысы,
Күн шооласы күңгөй бетке чагылса.

Күн батаарда, бах, өзүнчө сулуулук,
Батыш тарап кылкылдаган кызыл нур.
Боёлуп булут дагы, асман баары,
Кечки ирим, кайталангыс бир кооздук.

Айыл деми, өз нугунда мемирейт,
Берекеси ашып -ташып кемибейт.
Тиргилигин улап жаткан чоң элбиз,
Өз жерибиз өзгөлөргө тең келбейт

Айнуска Абдыкадырова

27 янв

*****

Кай бир күнү ойго батам алдастап,
Кайгы тартып балам жоктоп ыйлагам.
Элесиңди түштө көрөм бат- баттан,
Эркетайым, кандай күнгө кабылган.

Ачык кабак, кара көзүм элең го,
Акыл десе, акыл эсиң кем беле?
Сыноосуна кабылгандай кудайдын,
Кандай күнөө, кандай айып бар эле?

Балтыр бешик бала бойдон кеттиң а,
Ишке ашпасын кайдан билмек элең а.
Баскан оттой жалп деп өчүп калаарың,
Бир да сезбей канча максат чийдиң а.

Эстеп алып күйүп кетем жалынсыз,
Муңга толгон жүрөгүм да кунарсыз.
Күлгөн менен, мен ичимден купуя,
Ыйлап жүрөм, уулум эстеп көз жашсыз.

Абдыкадырова Айнуса

2026.

На этом пока всё

Войдите в ОК, чтобы посмотреть всю ленту