Даркан Султан менен сүйлөшкөн сайын баласы эмненидир жашырып жаткандай туйула берип санаасы күчөдү. Мурдагыдай бала кыял сөздөрү жок оор, сүйлөп баратып эле ойлонуп калганы, чоң кишилерче салабаттуу сүйлөгөнү Даркандын ички дүйнөсүн дүрбөлөңгө салды. ,,Буга бир деке болгон" деп койот. Эне кургур алда нээге да тынчы кетет байкуш. Аманчылыгын тилейт. Сүрөтү менен сүйлөшүп бугун жазат. Султан болсо апамдын тынчын албайын деп жакшымын дегенден башка сөз айтпас болуп бараткан. Баягы эле окшош күндөр. Кээде мындай окшоштук Дарканга жакпай калат. Ээн эркин, жалгыз тоолор арасында же тыптынч көл жээгинде болгусу, аруулангысы к