«МЕН КЎЗИМНИ ЮМСАМ ЭРТАГА»
Мен кўзимни юмсам эртага, Кўролмасам гулзор чаманни, Энг аввало авайлаб асраб, Йиғлатманглар сира Онамни!
Мен кўзимни юмсам эртага, Букилмасин қадди Падарим! Елкасида опичиб юрган, Илк қадамим тутган қўлларим.
Мен кўзимни юмсам эртага, Боғлар хазон рангин олмасин, Қуёш юзин беркитиб булут, Осмон ғамдан кўзёш тўкмасин.
Мен кўзимни юмсам эртага, Она тупроқ олсин танамни, Ким севмайди Ватанин ахир, Униб ўсган боғу-чаманни.
Мен кўзимни юмсам эртага, Истиробдан ғам чекманг гулим, Энг покиза туйғулар хаққи, Мен учун хам яшанг севгилим!
Мен кўзимни юмсам эртага, Бахор келса боғга қайтаман, Бизлар эккан ўша атиргул, Тимсолида сизни кутаман.
Мен кўзимни юмсам эртага,