Етим қизнинг устидан кулма.
Нафсинг учун ўйинчоқ билиб,
Ёш қизларни ёлғондан севма!
Ишинг битгач эрмаклар қилиб,
Етим қизнинг устидан кулма!
Қандай юрак сендаги юрак,
Алдадинг сен неча қизларни.
Яна сенга айт нима керак?
Қаро қилдинг қанча юзларни.
Опа-синглинг, қизларинг бордир,
Қайтар бир кун ўзингга ишон.
Кенгмас дунё аслида тордир,
Кимларгадир бўлади нишон.
Ўшанда сен пушаймон бўлиб,
Қилмишингдан афсусланасан.
Яшайсан лек, мингбора ўлиб,
Кўзларингдан ёшинг тўкасан.
Қайтар дунё қайтади албат,
Вақт борида бу йўлингдан қайт.
Ўйинчоқмас билгин муҳаббат,
Сенга атаб ёзилди бу байт.
*Улуғбек*