Yaxshi bo’ldi- sendan ayrildim,
Ketmog’im chun topib berding yo’l.
Bu dunyoda seni topdim deb,
Yo’qotibman o’zimni butkul.
.
Yaxshi bo’ldi, yechildi bugun,
Oyog’imdan bu zanjir,bu g’ul.
Ikki dunyo seni shohim deb,
Qul qilibman o’zimni butkul.
.
Yaxshi bo’ldi, yomon bo’lsa ham,
Yuragimni ezsa ham darding.
Men aqlini topgan telbaday,
Poylaringdan boshim ko’tardim.
.
Kechir, ozor berib mehrim-la,
Zeriktirdim men-sodda, men- go’l.
Bu dunyoda seni borsan deb,
Boshqalardan kechibman butkul.
.
Xudoyimning jazosi qutlug’.
Sendan ketdim, ey qahrli gul.
Shukr, shukr…Seni yod etib,
Unutibman Xudoni butkul.
.
Shuning chun ham omon bo’l endi,
Men bariga silkib qo’ydim qo’l.
Ang