Nafsni tarbiya qilib
Irodani do'st tutib,
Iymon sinovda bo'lib,
O'tdi mohi Ramazon.
Kimdir yig'lab o'tkazdi,
Kimdir "uxlab" o'tkazdi
Ul, albatta, yutqazdi,
O'tdi axir, Ramazon!
Iydul-Fitr kelmoqda,
Demak, umr o'tmoqda.
Bizchi, hali botqoqda...
Fikr qilmoq qayoqda?!
Ramazoni kutdingmi?
Ro'zasini tutdingmi?
G'aflat uyqusida yo,
Aslingni unutdingmi?
Musulmon birodarim,
Sengadur nidolarim.
Vaqtni g'animat bilgin-
Ki, fursati ozdur qulning!
Gunohi ko'p bandamiz,
Goh kofirga xandamiz.
Esda tutgin, azizim,
O'tkinchi besh kundamiz.