Роза Гумерова(Гайнетдинова)

АЛЛАҺ БЕЛӘН ҖАННЫҢ ӘҢГӘМӘСЕ

Риваятьләрнең берсендә болай дип тапшырыла. Аллаһы Тәгалә кешенең җанын барлыкка китергәннән соң, аннан: – Мин кем? – дип сораган. Җан исә сорауга сорау белән: – Ә мин кем? – дигән. Моннан соң Раббыбыз фәрештәләргә җанны мең елга ач калдырырга әмер биргән. Аннан соң яңадан: – Мин кем? – дип сораган. Бу юлы инде җан: – Син – Аллаһ, Синнән башка илаһ һәм гыйбадәт кылырлык зат юк, – дип җавап биргән. Уйлап карасак, монда тирән хикмәт бар. Җан бары тик ач калганнан соң гына Аллаһны таныган. Ураза тотуның да бер хикмәте шунда дип уйласак, ач калып, без нәфесебез белән көрәшәбез, Аллаһны танырга,Аңа гыйбадәт кылуга якынаябыз.