Yoningizdan oqqan suvning qadri yo'q,
Umr o'taverar zarra sabri yo'q.
Men qancha pushaymon sizga farqi yo'q,
So'ngi yo'lga termulib yig'laysiz bir kun.
Sal pastroq tushing ko'kni ko'zlamang,
Sevgimni rad etib bag'rim tig'lamang.
Men ketsam topolmaysiz izim izlamang,
Bevafoga xor bo'lib yig'laysiz bir kun.
Xudoyim dard bilan siylar suyganim,
Motam ustiga dard qo'shmang sevganim.
Sevdim, kuydim deb kuylab yurganim,
Qadrim bilib afsus bilan yig'laysiz bir kun.
So‘rarsiz holimni ko‘z yoshsiz yig‘lab,
Yoningizdan ketaman mashharni izlab.
Boraman ohimning izlarin izlab,
Qabrimga bosh urib yig‘laysiz bir kun...