Левая колонка

Кадырали Мырзанбетов

Последний визит: 22 июл 2020

Фильтр

Заметки Увлечения

11 июн 2019

СЫНООЛОРДУ ЖЕҢЕМИН.

Барган сайын таттуу болуп тирилик,
Убакыт тар, өтүп жатат мүнөттөр.
Чарчап келип, ырларыңа илинип,
Серпилгенсийт сени эңсеп, тилектер...

Сүйүүң менен менчиктесең сезимди,
Сени самап, эт-жүрөгүм эзилди.
Себеби жок, адат болду сагынуу,
Эске салып, алоо жаштык кезимди..

Эчак өтүп, элүү жаштын кырынан,
Эңкейиштеп калган кезде жолуктуң.
Эргүү берип, сүйүп дагы сүйдүрүп,
Эңсеттирип, жан дүйнөмү ооруттуң...

Мени сүйүп, сүйдүрүп да жанчасын,
Мейли, тагдыр, сынап мени калчасын.
Жароокерим, убадага бек болсоң,
Жеңип өтөм сыноолордун канчасын!!!

КадырМырза. 10.06.19.
Акчалуу айылы. "Поэзия Ордосу" көркөм-адабий бирикмесинин мүчөсү.

Кадырали Мырзанбетов

11 июн 2019

ИШЕНЧИҢДИ АКТАЙМЫН.

Алыс болгон аралыкка карабай,
Арабызды бөлгөн күндү санабай.
Ашык болгон жүрөгүмө багынып,
Арзуум айтчуу, күндү күтөм, жадабай.

Ал күн узак, мейли калсын жакындап,
Акыр бир күн, ишенемин, келээрин.
Аруу, тунук, таза, сезим багыштап,
Аппак сүйүүм дайын сага, берээрим.

Сезимимде сенсин сулуум, аппагым,
Сени ырдап, сени гана мактаймын.
Себеби жок, экиленип, бүлүнбө,
Сени сүйүп, ишенчиңди актаймын!!!

КадырМырза. 10.06.19. Акчалуу айылы.
"Поэзия Ордосу" көркөм-адабий бирикмесинин мүчөсү.

Кадырали Мырзанбетов

5 янв 2019

Санжыранын мааниси.

"Бир ууч кыргыз, бөлбөгүлө урууга,
Санжыра бул, калдыгы да эскинин".
Деп кыйкырып жүргөндөр бар, арада,
Санжыранын билбей түпкү маанисин.

Кулагына күмүш сырга болсун деп,
Урпактарга айткым келди нарктуу кеп.
Байыртадан кыргыз айтып, санжыра,
Жети атасын билбегенди кул дешет.

Анткендеги эң биринчи чоң себеп,
Жети атадан өтсө гана кыз берет.
Жети атанын ичиндеги туугандар,
Кудалашса, кан бузулат деп билет.

Азыркынын тили менен айтканда,
Генофондду түшүнүшкөн илгертен.
Алыс-жууктан келин алып уулуна,
Жат урукка өз кыздарын беришкен.

Бир уруктан келин алып, кыз берсе,
Мунжу, нышан төрөлүшкөн балдары.
Ошондуктан балдар баатыр туулсун деп,
Жат уруктун келин болгон кыздары.

Кадырали Мырзанбетов

30 ноя 2018

Жылдыздуу көздөр.

Жылдыздар жымыңдашып, ай да күлүп,
Бүт аалам экөөбүзгө кулак түрүп.
Сырдашып, шыбырашып турдук көпкө,
Аңкыган карт жийдеге сен жөлөнүп.

Чочутуп, капа кылып албайын деп,
Саамайың коомай сылайм, этиеттеп.
Ай нуру ажарлантып жамалыңды,
Мен сени сүйүп турдум, ич элжиреп.

"Сиз" десең, көздөрүңөн жылдыз жанып,
"Жылдызым" деп атадым, мен кубанып.
Ачылган жийде бурак экилентип,
Сезимим туткундалды, сен кыналып...

Ал түнү, менден ашкан бактылуу жок,
Таптаза тун сүйүүңө, балкыгамын.
Бир өмүр эңсеп келем, ошондогу,
Жийденин, атырыңдай аңкыганын...

Арадан андан бери көп жыл өттү,
Сүйдүрдүм, өзүм дагы сүйдүм көптү,
Бирок да жолукпады, өзүңкүндөй ,
Таппадым жылдыз жанган, сүйгөн