Левая колонка

Талант Бакбергенов

Последний визит: 30 авг 2023

Фильтр

Заметки Увлечения

Талант Бакбергенов

1 фев 2018

Сенсиздиктен дем алалбай жатканымды,
Бейпилдикти беттен ары чапканымды.
Таш боор сулуу, такыр эле сезбейсиң да,
Махабаттан айыкпас дарт тапканымды.

Селдей жылып өзөктү өрт каптаганын,
Сенделип эч жерге-сууга батпаганым.
Мерезим сен, туйсаң кана,билсең кана...
Бир да түнү уйку даамын татпаганым.

Күйүттөргө басынганда күйүп денем,
Күлкүң уксам кубанычка жоктур ченем!
Сага чейин мындай сезим ээлик кылчу,
Эркелетип жылмайганда алтын энем.

Көөдөнүмөн үшкүрүгүм жалын бүркүп,
Келечекти карай албайм көзүм "үркүп".
Кагылайын, качан деги түшүнөсүң?!
Калбаарыбыз биз өмүрдө болуп түркүк...

Жашоо кыска бул мыйзамы Жараткандын,
Жашайлычы, барктап баасын аткан таңдын.
Жадабастан жаза берем жаадыры

Талант Бакбергенов

29 дек 2017

Үлбүрөгүм,үшүдүң го ушул тушта,
Орусияда суук катаалын билем кышта.
Кантип сени жылытарга арга таппай,
Ары-бери илкип жүрөм азыр тышта...

Асман челген мунарыкка тигилемин,
Ал ансайын күчөп барат кусам менин.
Эркек ыйлайт карек эмес жүрөк менен,
Деген чын бейм, жүрөк кысат тушап демим.

Ашыктыгым көөдөнүмө жык топтолуп,
Алсызданып аралыктан күч жок болуп.
Жоодур көзүм,жолукканча салам жолдойм,
Ысытсын сунган ырым сени от болуп.

Талант Бакбергенов

11 дек 2017

Кара чачың ийиниң жаба куюлуп,
Каректериң чачып жанга жылуулук.
Кирпигиңе жүрөк кургур чалынды,
Бир мен үчүн ирмелгендей туюлуп.

Ай чырайың талантыңа төп келип,
Акылыңан ар бир сөзүң көрктөнүп.
Аруулугуң аймаласа табынан,
Араң калам кетүүчүдөй өрттөнүп.

Кор кылгансыйт жашаганың алыста,
Кол жетпесе оюм жетип алыска.
Бардык күчүм сарптоодомун , садагам,
Бар дүйнөңдү багындырып алышка.

Жаратканым жардам берсе аябай,
Жарың болуп түбөлүккө калышка.

Автор: Талант Бакбергенов 11-декабрь 2017-жыл Бишкек шаары.

Талант Бакбергенов

13 окт 2017

Аялзатына арналат

Ойноктогон көзүңөрдөн ойноктогон,
Жоктур сулуу көргөндөрдү ойлонтпогон.
Жалт карашы жаздым кетпей октой тийип,
Өргүп жаткан сезимдерди ойготпогон.

Мөлтүрөгөн жүзүңөрдөн мөлтүрөгөн,
Барбы сулуу акынга ыр төктүрбөгөн?!
Эриндерин чормойтушуп эркелешсе,
Эргүүлөрдү ташкындаган келтирбеген.

Бардыгыңар сулуусуңар аялзаты,
Бириңерди калтырбастан сүйөм катуу.
Кашты серпип,кылыктанып кылгырсаңар,
Кыялдарга сүңгүй түшкөн кандай таттуу!

Силер менен ар бир күнүм ырахаттуу!

Талант Бакбергенов

3 окт 2017

......
Көрбөй туруп көөнүм түштү жамалыңа,
Көлдөй терең көздөрүңө камадың да,
Чөгөрүп салдың сансыз эңсөөлөргө ,эх!
Ээлик кылып шилтенген ар кадамыма.

Жүздөшкөндө , жүүнүм бошоп калтаарыдым,
Унуткарып айтар сөздү апкаарыдым.
Эсим жыйып эриндерим кыбыр этти:
"Оорукчанмын,сакайтуучу сенсиң дарым..."

Оролгондо оттой ысык илебиңе,
Ошол жерден мүрт кетсем деп тиледим ээ!
Конуш таппай коңулдаган сезимдерим,
Колун созду жол аччы деп жүрөгүңө.

Байлап алдың үлбүрөгөн кирпигиңе,
Башым курман шыңгыраган бир күлкүңө.
Эгер эртең көз жумсам да кейибеймин,
Миң мертебе ыраазымын бүгүнкүмө.

Туткундады акылыңдын тунуктугу,
Түгөй болсок болбостур дейм түйшүк муңу.
Түмөндөгөн мээримиң бар түбөлүктүү,
Д