Ürək yolu
Sevgim silah, sən ov, mən də ovçuyam,
Mərmilər daraqda, ata bilmirəm.
Ürəyinə gedən yolda yolçuyam,
Bir ildi gedirəm, çata bilmirəm.
Bir yanı dağ-dərə, bir yanı dəniz,
Getdiyim ünvana necə qovuşum?!
Bu yol çox çətindir, bu yol çox qəliz,
Kimə ağız açım, kimdən soruşum?!
O ürək saraydır, bilirəm bunu,
Çatıb, arzulara yetməliyəm mən.
Hər bir addımımda düşünüb onu,
Ölsəm də, bu yolu getməliyəm mən!
Durmadan bu yolu getdim iki il,
Coşan dəniz kimi aşıb-daşırdım...
Yeddi yüz otuz gün, düz səkkiz fəsil,
Artıq yavaş-yavaş yaxınlaşırdım...
Gördüm işıq saçır nəsə hər yana,
Dedim ki, bəlkə də günəşdir, aydır.
Bir az yaxınlaşıb çatdım ünvana,
Baxdım ki, qapısı bağlı saraydır.
Bu yolu bi