Қизиқ ...

Нега сени яна ўйладим ?
Яна орзуларга бердим эркини .
Тонггача Худога сени сўйладим
Юзимни силади ишқнинг эпкини.
Битта ҳам хатларинг қолмовди менда,
Бутунлай хаёлдан ўчирдим девдим.
Билмадим, вафолик йўқ эди сенда ,
Ўшанда адашиб балки мен севдим.
Нега тушларимда юрибсан дайдиб?
Нега хаёлимни этиб қўйдинг банд ?
Балким бахтсиздирсан?
Яна сен қайтиб
Балким юрагимга бермоқчисан панд?
Балки бу таьсодиф, балким бу тақдир,
Балким бу хаётнинг оддий ўйини.
Мен хозир ўзганинг ёриман, ахир
Сен чалиб юрибсан ўзга куйини.
Сен мени қалбингга кўмиб ташлагин ,
Исмимнинг устидан қора буёқ торт.
Сен ахир ўзганинг хасми халоли
Эски ишқимизни унитмоғинг шарт!
Анвар Ҳамроз