Biz bu həftələr ərzində 2783 dəfə öldük-dirildik, hər Şəhidimiz bizdən bir parça apardı. Amma həm də parça-parça olmuş Vətən torpağını pərən-pərən düşmüş milləti 2783 bağla bərkitdi, birləşdirdi! Qəddimiz düzəldi, qürurumuz öz yerinə qayıtdı! Hər şeyi sizə borcluyuq əziz Şəhidlərimiz! Sizin ruhunuz qarşısında boynumuzun borcudur ki, Azərbaycanı dünyanda ən gözəl Hüquq və Rifah dövlətinə çevirək! Bu artıq şərtdir, ancaq bu yolla sizin fədakarlığınıza layiq ola bilərik! Allah bütün Şəhidlərimizə rəhmət eləsin, Allah bütün Qazilərimizə acil şəfalar nəsib etsin! Tanrı Əsgərimizi və Ordumuzu qorusun!
Şuşanın işğaldan azad edilməsi təkcə qürurverici qəhrəmanlıq salnaməsi deyil, həm də unikal hərbi əməliyyatdır. Bu haqda hələ çox danışılacaq, çox yazılacaq və Azərbaycan əsgərinın qəhrəmanlığı çoxlarına nümunə göstəriləcək. Yaşa, tarix yazan ordum!