Бактияр Султанбеков

КЫЗДАР ҮЧҮН

Бириң сулуу бириң болсо бою узун, Кээдегиңер деңизсиңер чалкыган. Жигиттердин бүт сезимин козгошуп, Жүгүрткөндү жактырышат артынан. Баёо сезим от алганда өчпөй миң, Жанга батат азаптанып жүргөнүм. Кыргызымда канчалаган сулуу бар, Арасында жүргөн чыгар сүйгөнүм.. Кылыктанып койгон адат жакшы да, Махабатты алып келет мааниге. Кыз-жигиттин ортосунда сый болуп, Бекем болсун сүйүүңөрдө мамиле!.. Турмуш деген алдап далай жазгырат, Сактангыла ошондо да кыйрабай. Көкүрөктө эгер сезим чын болсо, Сүйүшкүлө бир-бириңди кыйнабай.. Бактияр Султанбеков