#примера

Туғилишин кутган туйғулар,
Тун кўрмаган уйғоқ уйқулар.
Баҳорлари қишни танимас,
Қариндошмас асло қайғулар.
Сабза урар нафаслар ранги,
Соғингандек лабларнинг жанги.
Шиддатлари рўё кўрмаган,
Бир ғаройиб муҳаббат янги.
Беркинмачоқ ўйнар висоллар,
Сапчимаган ишқий тимсоллар.
Тун қўйнида суришар хаёл,
Дунёларга сиғмас мисоллар.
Ўт чақнаган жажжи ул нигоҳ,
Акс этилур лаҳзада сипоҳ.
Намоёндур икки оташ дил,
Ҳижолатга қолганда дудоғ.
Кезишганда қалб аро бўйлаб,
Чертиб кўнгил торини неча.
Севги уйи томон ошиқар.
Илк учрашув, илк бора кеча!
Элёр ЖЎРАЗОДА
07/01/2025йил