Младшая (Ularbekov)

ТОБУРЧАК» САМСАСЫ

Керектелүүчү азыктар:

Тооктун төш эти – 300 грамм
Ак нан (жумшак) – 30 грамм
Сүт – 100 грамм
Сарымсак – 1 тишче
Даяр каттама камыр – 350 грамм
Жумуртка – 1 даана
Кооздук үчүн: ашкөк, анар дандары
Татымына жараша туз, мурч

Даярдоо ыкмасы:
1. Тооктун этин майда туурап алабыз.
2. Нанды сүткө малып, кайра алып чыгып сарыктырабыз да, тууралган этке кошобуз. Ага туз, мурч, майдаланган сарымсакты кошуп жакшылап аралаштыруу керек.
3. Туурамжыны 8-9 бөлүккө бөлүп, ар бирин жалпак сүйрү формага келтирип алабыз.
4. Бөлмө температурасындагы каттама камырдын ар бирин жайып, анан төрт бурчтуу формада кесип алабыз. Ичине фаршты салып, четтерин чымчып бекитүү керек.
5. Камырдын чымчып

АРМЯН ЛАВАШЫ

Керектелүүчү азыктар:

Ун – 300 грамм
Суу – 1 стакан
Өсүмдүк майы – 1 аш кашык
Татымына жараша туз

1. Буудай унунан өтө катуу, өтө жумшак кылбай камыр жууруп, тыныктырып коёбуз.
2. Тыныккандан кийин четинен үзүп алып, калыңдыгын 1-2 миллиметрдей кылып жука жаябыз да, түбү калың, какшыган көмөч казанга эки бетин кактап бышырып алабыз. Күйгүзүп алуудан абайлаңыз!
3. Бышкан ысык лаваштын үстүн ным чүпүрөк менен жаап коюу керек. Муздаган кезде целлофан баштыкка салып муздаткычта 3 күнгө, муздаткычтын тоңдургуч бөлүгүндө 6 айга чейин сактоого болот.

БУРИТТО

Керектелүүчү азыктар:

Капуста – 100 грамм
Бадыраң – 1 даана
Краб таякчалары – 100 грамм
Лаваш – 1 даана
Майонез – 2 аш кашык
Татымына жараша туз

Даярдоо ыкмасы:

1. Капустаны ичке туурап алып, татымына жараша туз кошуп аралаштырабыз.
2. Бадыраңды жука, тегерек формада туурайбыз.
3. Краб таякчаларын таңгагынан чыгарып, узатасынан 5-6 бөлүккө бөлөбүз.
4. Лавашты тең ортосунан экиге бөлүп, ортосуна майонезди сүйкөйбүз (чет жактарынан 2 сантиметрдей калтыруу керек). Эми лаваштын бетине капустаны, анын үстүнө краб таякчасын, бадыраңды салып, четтерин кайрып конвертке окшоштуруп оройбуз. Лаваштан жасалган нанүштөбүз даяр!

ЛАВАШ ПИРОГУ

Керектелүүчү азыктар:

Лаваш – 4 даана
Каймак – 100 грамм
Жумуртка – 2 даана
Быштак – 300 грамм
Сыр – 150 грамм
Укроп же петрушка – 1 тутам
Татымына жараша туз

Даярдоо ыкмасы:

1. Быштакка сүргүчтөн өткөрүлгөн сырды жана майда тууралган укропту же петрушканы кошуп аралаштырабыз.
2. Лаваштарды жайып бетине аралашмадан тегиз себелейбиз да, оройбуз.
3. Электр мешинин табасынын ичин майлап же пергамент кагазын төшөп, лаваштарды үлүлдөй кылып ороп салабыз.
4. Эки чийки жумуртка менен каймакка татымына жараша туз кошуп аралаштырып, лаваштын үстүнө куябыз да, 180 градуста ысып турган электр мешине пирогду бети кызарганча бышырып алабыз.

Лаваштан кадимкидей оромо бышырууга да болот.

РОЗА МАНТЫ
Кандай азыктар керек?

Камыр үчүн:

Ун: 3 стакан

Суу: жарым стакан

Жумуртка: 1 даана

Майонез: 2 чоң кашык

Туз: жарым кашык

Фарш үчүн:

Эт: 300 г

Пияз: 2 баш

Койдун ич майы: 100 г

Туз, мурч

Кантип жасалат?

Камырга керектелүүчү азыктарды аралаштырып, камыр жууруйсуз да, аны жарым саат тыныктырып коёсуз.

Камыр тыныккыча өзүңүз каалагандай фарш жасайсыз.

Камырды жайып, болжол менен узунун 30, туурасын 10 см кылып кесесиз.

Камырдын ортосуна фаршты салып, бүктөйсүз да, розанын формасына келтирип оройсуз.