Дилингни ғашлама ёмонлик излаб,
Сени ранжитганни гапиргин сизлаб,
Ҳар ким ўз манзилин боради кўзлаб,
Мен сенга тегмадим, тегинма менга!
Мен турган заминга сиғасан сен ҳам,
Қўрқма, мен кўп есам, сенга қолмас кам,
Бу дунё ўткинчи менга, сенга ҳам,
Мен сенга тегмадим, тегинма менга!
Агар гуноҳ қилсам ўзимга увол,
Яшашим сенга ҳеч келмасин малол,
Бир кун келиб ўлсам ўзимга завол,
Мен сенга тегмадим, тегинма менга!
Сени қувонтирган кулдирмас мени,
Мени оғритган дард куйдирмас сени,
Ишон Ўзи берар сўрасанг нени,
Мен сенга тегмадим, тегинма менга
Ҳоҳласам ёнаман, хохласам куйиб,
Ҳоҳласам севаман, хохласам суйиб,
Ҳоҳласам кетаман, дилимни ўйиб,
Мен сенга тегмадим, тегинма менга.
Эй дўстим ба