Uzun bir aradan sonra bir şer paylaşım. Görək nə olur fikirlər
Görərsən mənə də yetişib məqam,
Hansısa sinədə, qol üstündəyəm.
Ağır addımlarla gedir izdiham,
Budur, çiyinlərdə yol üstündəyəm.
Budur, karvan gedir, adam karvanı
Çəkir cənab molla aram karvanı.
Axxx, birdən saxlayır Anam karvanı
Yanğılı səsində dil üstündəyəm.
Budur boylanıram məzar daşında,
Çevirib çoxunun məzar başın da,
Bir qadın ağlayır məzar başında
"Qalx, tut əllərimi, gəl, üstündəyəm.
Apardın dünyamda nə var özünlə
Getdi çəkdiyin dərd, qubar özünlə.
Gəl, tut əllərimdən apar özünlə
Ölürsən mənimlə öl, üstündəyəm."
Asim Sabiroğlu