Левая колонка

Muhammadiqboli Jonibek

Последний визит: 1 янв

Фильтр

Заметки Увлечения

2 авг

Ҳоло биё зи табъи ғазалхониям мапурс
Шодии дил расида, зи гирёниям мапурс.

Инҷо ба гӯш ваҳйи хушоянд мерасад
Аз тирагиву мунҷали зиндониям мапурс.

Бар даргаҳат шикаставу бечун расидаам
Аҳволпурс ношуда мерониям мапурс.

Дарё шудам, ки рахт зи сарчашма бастааст
Бо садди роҳ дастугиребониям мапурс.

Чанде зи рашк тири ҳасодат ба ман заданд
Ин иттиҳоми холӣ, ту медониям, мапурс.

Кафкӯбии дурӯғ ба маҳфил, ки мекунанд
Дилмонда, дамнишаста гурезониям, мапурс

Озодаам ва хуни ҷавонмардӣ дар танам
Хатлонӣ ё бадахшӣ, зарафшониям, мапурс.

Муҳаммадиқболи Ҷонибек

Muhammadiqboli Jonibek

2 окт 2024

Барои падарам 🥹
Дасти зи карам кушодааш дигар буд
Лабхандаи софу содааш дигар буд.
Тақдир ду пои раҳраваш баст, вале
Ҳампои писар ниҳодааш дигар буд

Лабханди падар чу марҳами кӯдакиям
Розест аён, ки ҳамдами кӯдакиям
Аз баъди гузаштани падар фаҳмидам
Бигзашта замони беғами кӯдакиям.

Оинадилу сода, шабоҳи падарам
Умрест равонаам ба роҳи падарам
Аз баҳри мусофирписари раҳдураш
Бар дар нигарон буд нигоҳи падарам.

Хомӯш шуда нури чароғи падарам
Дар ҳавливу боғ бар суроғи падарам
Ҳарчанд зи ашки чашми ман сероб аст
Маҳзун шуду хам ниҳоли боғи падарам

Муҳаммадиқболи Ҷонибек

Muhammadiqboli Jonibek

15 сен 2024

#падар 🥺

Бовар надоштам ба ғамат менишониям
Бар хок рафт шӯру шари навҷавониям.
Дилномаҳои фасли умедам нагуфта монд
Ҳасратнависи барг зи дасти хазониям
Бар нокуҷо ба боли шикаста тавон нишаст
Ҳайф, осмони бовару боли ниҳониям
Ҳамрози моҳ будаму ногаҳ замин кашид
Ин қомати расидаи то Каҳкашониям
Қисмат, вале умед шикастан раво набуд
Эй қиблагоҳи зиндагӣ, танҳо бимониям
Поям ба шаҳри орзу дигар намекашад
Як сустустухоншуда дар зиндагониям ...
Муҳаммадиқболи Ҷонибек