Ve bir gün mən olmayacam.

Sonsu z əbədiyyətə qovuşacam. Min illərin ölülərinə qarışacam. Yox olacam izim tozum da qalmayacaq. Heçliyə çevriləcəm. sükunətə, hərəkətsizliyə dönəcəm. Maddi dünyanın hüdudlarını aşacam. Sonsuz bir heçliyə qərq olacam. Istiqamətsiz şəkildə baş alıb gedəcəm. İtəcəm. Sizsə şənimə nəğmələr qoşacaqsınız. Kədərlə, hüzünlə anacaqsınız, bəlkə sonralar da xatırlayanda bir-iki damla da göz yaşı tökəcəksiniz mənimçün. Yaxşı əməllərimdən danışıb, pisləri bir müddət unudacaqsınız. Bəlkə də lənət yağdıracaqsınız . Mənlə bağlı bütün xoş xatirələrinizə yenidən nəzər salacaqsınız. Qəhər sizi boğacaq, dodaqlarınız əsəcək. Bunların yuxu olmasını istəyəcəksiniz. Inanmayacaqsını z. Yoxluğumla barışmayacaqsın ız. Bəzilərinizsə məcburi üz cizgilərinizi dartıb üzünüzdə saxta kədər, hüzün yaradacaqsınız. Düşmənlərim dost olacaq. Yalanlarım doğru, doğrularım yalan olacaq. Bütün sosial şəbəkələrdə şəkilim paylaşılıb, ölümüm ictimailəşəcək, nəcib insanların qəlbinə nüfuz etməkçün hələ kədərli, hüzünlü süni kəlmələr də yazacaqsınız. Bəzilərinizsə "dünyanın ən gözəl ölüsünə" neçə "like" gələr yazacaq bəlkə də. Hələ çox danışılacaq bu ölümümdən. Uzaq qohumlarım da yaxın olacaq. Keçmişdə könül verdiyim sevgililərim də qara xəbərimi alıb başı alovlu kədərli sözlər yazacaq öz mənəvi borcunu yerinə yetirməkçün. Etdiyim bütün pisliklərimi unudacaq mənə etdiklərindən utancaq, özünü ittiham edəcək, günahlandıracaq . Bir neçə gün virtual aləmdə də yas saxlanacaq. Hətta ehtiram əlaməti olaraq hər kəsin profilində mənim şəkilim olacaq. Bununla onlar özlərini mənim yerimə qoyacaq. Mən olacaqlar. Amma mən bir daha onlar kimi olmayacam. Mənlə çəkdirdiyiniz bir neçə hüzünlü fotoşəkilləri eşələyəcəksiniz . Fotoşəkildəki o cansız, donuq mənzərəyə xəyalınızda həyat verib canladıracaq, hərəkətə gətirəcəksiniz. Bəziləriniz o fotoşəkillərlə yatacaqsınız , öpəcəksiniz o cansız simanı. Hələ ən yaxşı əhval ruhiyyəli şəkillərimdən birini götürüb, başımı kəsib mənə öz istədiyiniz rəsmi kostiyum geydirəcəksiniz . Tabutuma vurub məni fotoşəkildə rəsmi amma sadə insanlar kimi son mənzilə yola salacaqsınız. Bir də unutmuşdum lap məni tabuta qoymazdan əvvəl hələ üstümə də bir güzgü qoyub məni şeytanla baş-başa qoyacaqsınız son haqq-hesabı çürütməkçün. Sonra da məni natəmiz bir yerdə yuduzdub öz ağlınızca pak olduğuma inandıracaqsını z özünüzü. Hələ bu ah-nalənizdən dəhşətə gəlməyim deyə əlinizi qulağıma salıb kar qulağımı daha da kar edəcəksiniz. Hə, sonra isə tabuta qoyub yenidən mənzilimə gətirib, yenidən çıxaraqcaq və çıxarmazdan əvvəl də bir neçə dəfə qaldırıb yerə qoyacaq dönməyən başımı döndərəcəksiniz . Daha sonra isə məzara qoyub, üzümə işıqlı dünyanın qapılarını əbədi olaraq bağlayacaqsınız . İşinizi bitirib məni o dar quyuda tək buraxıb, mənasız adətlərinizlə özünüzü əyləndirməyə tələsəcəksiniz. Elə işin ən maraqlı yeri də ondan sonra başlacayacaq. Mənə toxunduğunuzçün əllərinizi möhkəmcə yuyub yeyib-içməyə girişəcəksiniz. Guya boğazınızdan getməyəcək, amma ne edəsiz Allah mənə rəhm etsin deyə daha həvəslə yeyib, sonra da yağlı əllərinizi bir neçə dəfə üz-gözünüzə çəkib, yediyinizin də hesabını verib gündəlik həyatınıza dönəcəksiniz. 3 günün, 7 günün, 40 günün tamamında yenə, bir daha zəhləmi töküb, qanlı göz yaşı töküb, yeyib-içəcəksin iz. Bilirəm yenə də boğazınızdan getməyəcək, amma nə edəsiniz mənim rəhmətim üçün gərək yeməyinizi boşqabda qoymayasınız. Bir müddət həftə sonları məzarıma baş çəkəcəksiniz, anlaşılmaz bir dildə mənimçün pul verib birindən mənimçün Allahdan rəhmət diləməsini xahiş edəcəksiniz. Mənlə qəbrim üstə tərcüməçi ilə danışacaqsınız. Mənlə mənim də anlamadığım dildə danışacaqsınız. Artıq mənimçün gələcək məvhumu itəcək. O gələcək mənimçün bir daha gəlməyəcək. halıma yanacaqsınız, rəhminiz gələcək. Bahalı mərmərə həkk olunmuş şəklimi yaşlı dəsmalınızla siləcəksiniz. Qəbrimin üstündə bitən otu, alağı qoparıb yenidən çıxması üçün dibdə qalan kökünü göz yaşlarınızla suvaracaqsınız ki, növbəti görüşdə qəbrim üstündə bekar qalmayasız. Qəbrimin üstünə çardaq yığdıracaqsınız , ətrafına isə 3-5 stul qoyacaqsınız. Isti yay günlərində sümüklərimin alışıb yanmaması, ruhumunsa o stulda oturub sərinləməsi, qışda da qar saxta düşməməsi üçün. Bayramlarda da yanıma göz yaşlarınızla yoğurduğunuz xəmirdən bişirdiyiniz şirniyyatlar gətirəcəksiniz. Bəlkə insafa gəlib çıxaram, dadaram deyə göz yaşlarınızın xatirinə. Ancaq başıma açdığınız oyunlardan sonra çətin ki çıxam öz dar, qaranlıq dünyamdan...