НИМА ҚИЛАЙ, КУЙИБ КЕТЯПМАН!
Нима қилай, куйиб кетяпман,
Юрагим ҳам эзилиб кетди.
Ахир унинг йўқлиги бугун,
Жуда қаттиқ сезилиб кетди.
Эй одамлар, ким бор, гапиринг,
Овунтиринг, овунай мен ҳам!
Наҳот шунча малолман, лолман,
Наҳот йўқдир бир менга ҳамдам!
Хувуллайди юрагим, бўм-бўш,
Тўлиб кетдим қайғудай, ғамдай.
Юрагимни кўксимга босиб,
Мен ерларда яшайман қандай?!
Умримни бой бердим интизор,
Нима бердинг менга фасллар!
У дунёга қолади наҳот,
Менга қолганида василлар!
Ўтиб кетди мен кутган йиллар,
Ўтиб кетдинг ҳаю ҳаволар.
Тополмайман битта мен, наҳот,
Мени излаб юрган саволлар!
Нима қилай, куйиб кетяпман,
Юрагим ҳам эзилиб кетди.
Ахир унинг йўқлиги, ахир,
Бугун қаттиқ сезилиб кетди!
Н