Парвонадир замин бизга, фалак бизга,
Ватан деган шундай гўзал малак бизга.
Яхши яшаб, нега шукур демаймиз гоҳ,
Бундан ортиқ, яна нима керак бизга?
Тўйлар қилиб яйрамоқда элимиз ҳам,
Ишдан жуда толгани йўқ белимиз ҳам,
Гоҳида сал инжиқроқда феълимиз ҳам,
Бундан ортиқ, яна нима керак бизга?
Кўринг, қанча ўзга юртнинг одамларин,
Ташлолмайди хотиржам бир қадамларин.
Қадрин билинг, Ҳақнинг шундай карамларин,
Бундан ортиқ, яна нима керак бизга?
Қанча юртлар сув остидан қолмоқдадир,
Қайларгадир террор ғавғо солмоқдадир.
Оллоҳ бизни паноҳига олмоқдадир,
Бундан ортиқ, яна нима керак бизга?
Ўзга юртда кўпдир дарддан толган беллар,
Гиёҳвандлик балосидан куйган эллар.
Оғунингмас, оҳуники бизнинг