Քո համար ես պատրաստ էի սովորել սուրճի՝ աշխարհում առկա բոլոր տեսակների պատրաստման ձևերն ու ամեն առավոտ հերթով եփել դրանցից մեկը՝ թաքցնելով բնածին զզվանքս սուրճի ու դրա հոտի հանդեպ, որ դու չնեղվեիր, այլ վայելեիր քո համար այդքան կարևոր սև հեղուկն ու խմել - թարմանալուց հետո միայն նկատեիր, որ տաք շոկոլադս էլի սուրճի բաժակով եմ խմել (էն բաժակները, որից աշխարհում 2 հատ կար ու մերն էր), բայց դու չուզեցիր...
Ես չեմ հասկանում մեծ շուքով նոր տարի նշելու ու ջանասիրաբար շնորհավորելու իմաստը։ Ծնունդ, երկար ժամանակ երազված ու վերջապես սկսված մի գործ, արդարացած մի հույս, անհույս հիվանդի ապաքինում, ինչ-որ մի նոր, լավ բանի սկիզբ ու թեկուզ ամուսնություն լինի՝ շնորհավորեմ, սրտանց! Բայց հմի ի՞նչ կա, ի՞նչն ա փոխվել, մենակ թվականը, էդ էլ ինչ նշանակություն կարող ա ունենալ իմ համար, եթե ես ամբողջ տարվա ընթացքում հաճախ չգիտեմ ընթացիկ տարեթիվը :-D