Шайх Муҳаммад Содиқ Муҳаммад Юсуф оламдан ўтди

Фото: mycdn.meKun.uz: 10 март куни кечаси ижтимоий тармоқлар бўйлаб Марказий Осиё Мусулмонлар Диний Идорасининг собиқ муфтийси, ҳамда Ўзбекистон мустақилликка эришгандан кейинги биринчи муфтий Шайх Муҳаммад Содиқ Муҳаммад Юсуфнинг 63 ёшида бу дунёдан риҳлат қилгани ҳақидаги хабарлар тарқалди.Бироз ўтиб, шайхнинг яқин кишилари бу хабарларни тасдиқлади.Маълум қилинишича, мусулмон оламидаги машҳур диний арбоблардан бири Шайх Муҳаммад Содиқ Муҳаммад Юсуф юрак хуружи хасталигидан вафот этган.Тасдиқланмаган хабарларга кўра, воқеа соат 20:00 атрофида, шайх Тошкент шаҳридаги Ислом Университети спорт залида баскетбол билан шуғулланаётган пайтда юз берган.Марҳумнинг жанозаси қачон ва қаерда ўтиши, Шайх ўзи туғилиб ўсган ота юрти Андижонда ёки Тошкентда дафн қилиниши ҳақида аниқлик киритилмаган.Kun.uz таҳририяти шайхнинг оила аъзолари ва яқинларига сабр тилайди.Хабар берилишича, Жаноза намози 2015 йил 11 март, чоршанба куни, Тошкент шаҳридаги Шайх Зайниддин жомеъ масжидида (“Кўкча масжиди”) пешин намозидан сўнг ўқилади.