Левая колонка

KσzLลRιทGล QลRลP LลBL ลRιท σPVσLลМลN

Последний визит: 19 янв

Фильтр

10 мая 2023

ЮРАГИМГА ЯҚИНЛАР

Юздуз мисол чақинлар,
Меҳри дарё- оқинлар,
Борингизга минг шукур,
Юрагимга яқинлар.

Эзгу, ширин тилаксиз,
Кўксимдаги юраксиз,
Менга жуда кераксиз,
Юрагимга яқинлар

Йўлингизда бедорман,
Меҳрингизга ҳуморман,
Сиз бор мен бахтиёрман,
Юрагимга яқинлар.

Сизсиз бу кўнгил тўлмас,
Сизсиз юрганим йўлмас,
Бир кун кўрмасам бўлмас
Юрагимга яқинлар.

Кулиб юринг баҳордек,
Қалбингиз оппоқ қордек,
Сизсиз дунёлар тордек,
Юрагимга яқинлар.

Бу дунёда ёнма -ён,
Бирга бўлайлик ҳар он,
Бахтимга бўлинг омон,
Юрагимга яқинлар.

👉🏻 @bir_chimdim_kulgi

KσzLลRιทGล QลRลP LลBL ลRιท σPVσLลМลN

21 фев 2023

КЕТИБ ҚОЛМА…

Кўкдан Ой-Юлдузлар, Қуёш кетса ҳам,
Юракдан чидам-у бардош кетса ҳам.
Ёноқда дарёдек кўз ёш оқса ҳам,
Соғиниб топганим сен кетиб қолма…

Баҳорлар ўткинчи, ёзлар ўткинчи,
Оққушлар ўткинчи, ғозлар ўткинчи.
Гўзаллик ўткинчи, нозлар ўткинчи,
Соғиниб топганим, сен кетиб қолма…

Абадий яшашга қодир муҳаббат,
Қолгани муваққат, бари омонат.
Ҳатто келганда ҳам маҳшар-қиёмат,
Соғиниб топганим сен кетиб қолма…

Ишқ мангу бўлса гар, ошиқ ўларми,
Ошиқлар қалбида олов сўнарми?
Ахир, висолингга тўйиб бўларми,
Соғиниб топганим сен кетиб қолма…

Мен эса минг кетиб, минг бора қайтдим,
Кўнгли бут кетсамда, дил пора қайтдим.
Пойингга тиз чўкиб боримни айтдим,
Соғиниб топганим сен кетиб қолма…