Daydi sabolarga dardimni aytib,
Umrga yetgulik xato qilibman.
Birgina izhordan bir so'zdan qaytib,
Dardisar yurakni tig'iz tilibman!
Ohu zoringizni jim tinglar edim,
Siz ilg'amadingiz yurakda borim.
Men sizni hayotim bor-yo'g'im derdim,
Hayoga berkingan edi izhorim!
Ketdingiz yurakni qattiq qaqshatib,
Bugun sog'inibman so'zlaringizni.
O, mening hayotga berkingan sevgim,
Qaylardan izlayin izlaringizni!