ЖАҢЫ ЖОМОК
Илгери-илгери бир хан болуптур. Ал өтө даанышман, элине кайрымдуу экен. Көп жашап, көптү көрүптүр. Элинен алкыш угуптур. Анын жалгыз кызы бар экен. Кызы ай десе айда жок, күн десе күндө жок сулуу болуп чоңоюптур. Анан хандын кызы бойго жеткенде туш тараптан жуучу келе баштайт. Бирок кыз эч кимисине макул болбойт. Анын мындай жоругуна түшүнгөн жон жок. Ошентип күндөр айга, айлар жылга алмашат. Акыры хан кызына "күйөөгө чыгышы керектигин" айтат. Кызы атасына бир шар коёт. Хан кызынын шартын угуп аны аткарууга киришет.
Керней үнү кергиштеп, добулбас үнү дүпүлдөп хан жарчылары эл аралап, мындай деп жарыя ташташат: "улук хандын кызы өзүнө түгөй издейт, түгөйү баатыр да эмес, коркок да