Левая колонка

Кадер авылы

Последний визит: 9 авг 2017

Фильтр

Заметки Увлечения

Кадер авылы

19 фев 2017

ТУГАН НИГЕЗ
Бер нигездә туып усәбез дә,
Таралабыз төрле якларга.
Туган нигез безне очраштыра,
Кайтып керә алган чакларда.

Кайтулар бит сирәгәя һаман,
Ераклаша бара туганнар.
Үскән чакта берсе-берсе өчен,
Җан бирергэ эзер булганнар.

Алмаштырабыз шул туганнарны,
Сөйгән ярлар, якын дусларга.
Ә авырлык килгәч бер кем калмый,
Иң башыңнан синең тотарга.

Онытмасак иде беркайчан да,
Ярлар ташлый, дуслар саталар.
Шул вакыт та сиңа кирәк була,
Синен өчен газиз булганнар...

Кадер авылы

11 фев 2017

ЯШЬ ЧАКТА
Без яшь чакта күп егетләр
Танышып , сүз каттылар
Кайсы безгә ошамады,
Күпләр ташлап качтылар!

Егетләр дип, алай артык
Баш югалтып йөрмәдек
Авыл кызы- горур була,
Түбәнлеккә төшмәдек!

Матур сүзләргә ышанып
Эләкмәдек тозакка
Чибәрлегенә кызыгып,
Ташланмадык кочакка!

Кияүсез калам дигән уй
Һич килмәде башларга
Хәтта кайсын туры килде
Үзебезгә ташларга!

Никах күктә укылмыйча,
Җирдә диләр ,укылмый
Насыйп ярым эзләп тапты,
Бер минут соңга калмый!!!

Кадер авылы

30 янв 2017

ҖӘЙ
Ни әйтсәң дә җәй, җәй инде- җылы,
Үзе рәхәт, үзе күңелле!
Эшләп кергәч ,эчкән салкын су да,
Шундый тәмле ширбәт шикелле!

Җәй җылысы җанга, күңелләргә
Йөрәкләргә кереп урнаша!
Ә күзләрдә- кояш нурларының
Очкыннары биеп уйнаша!

Чәчәк исләреннән баш әйләнеп,
Уйнаклыйсы килә, чабасы!
Кинәт килеп яуган яңгырында,
Манма суга килә каласы!

Рәхәт бакчасында булса булыр,
Мондый сафлык, мондый матурлык!
Таң атканда сандугачлар җырын,
Тыңласаң да, телсез калырлык!

Ул кырлардан, яшел урманнардан
Җил китерә яфрак исләрен!
Гүзәллеге күзне камаштырып,
Күңелләрнең били хисләрен!

Әй җиләкле, ямьле җәй айлары,
Тик кыска шул , синең гомерең!
Кай арада , сизелмичә уза,
Кала алмыйбыз, белеп кадерең!