"BİRCƏ GÜN"
Bu gün bənzərini gördüm, əzizim.
Yenə qəribsədim, yenə darıxdım.
Dalıb xəyallara, dönüb keçmişə,
Həsrətlə bir sənə, bir mənə baxdım.
Heyif ötənlərə, heyif keçmişə,
Necə də safmışıq, necə də təmiz.
Axı kim bilərdi, kim inanardı?
Nə vaxtsa sevərək ayrılarıq biz.
Əlimdə olsaydı verib bir ömrü,
İçində sən olan bir gün alardım.
Bir ömür bədbəxt tək yaşamaqdansa,
Ömrümdə bircə gün xoşbəxt olardım.
Müəllif: Ziya Fədai