Azad bir quş idim qəfəsə düşdüm, Zalım, gözlərindən nəfəsə düşdüm. Səni sevmək üçün həvəsə düşdüm, Qayıtma bir daha, ömrümə mənim! Göz yaşımı silsəm kipriyim aglar, Ürəyim alışar, sinəmi dağlar. Əllərim özümdən xəbərsiz yazar, – Qayıtma bir daha ömrümə mənim! Sənə bəxş etdiyim anlara heyif, Aylara, illərə, günlərə heyif. Sənə qurban gedən canlara heyif, Qayıtma bir daha ömrümə mənim! Ürək vərəqlərə köçüb döyünür, Sətirlər alışır, ümidlər sönür. Şeirlər yüklənib kitaba dönür, Qayitma bir daha ömrümə mənim! Kökləndi sinəmdə sınıq tarim da, Oxundu dilimdən ahu zarım da, Tükəndi ümidim, etibarim da, Qayıtma bir daha ömrümə mənim! 0