Левая колонка

Антонин Петров

Последний визит: 27 янв

Фильтр

Заметки Увлечения

Антонин Петров

19 июл 2020

***
Олоҕум айанын суолугар
Араас сир уутуттан испитим,
Араас сир салгынын тыыммытым,
Араас сир буоругар хаампытым.

Ол эрэн..

Хайа да сир уутуттан ордорон
Мин иһиэм эн уугун астына,
Хайа да сир мүөттээх салгына
Эн курдук толорбот мин түөспүн!

Хайа да таас хайа, киэҥ байҕал,
Хайа да туундара, тропик,
Хайа да килэйэр таас куорат
Угуйбат, ымсыырпат эн курдук!

Эн эрэ уугуттан истэрбин,
Эн эрэ салгынҥын тыыннарбын,
Эн эрэ хонуугар хаамтарбын
Дуоһуйар, дьоллонор эбиппин!

Хаһан да, ханна да буолларбын
Хайаан да саныыбын сылаастык,
Куруутун эргиллиэм ахтаммын
Айхаллыыр Арыылаах алааһым!

Хомустан

Антонин Петров

21 июн 2020

***
Доҕоччуок барыахха ыһыахтыы
Омукпут үөрүүтүн үллэстэ,
Чороонноох кымыһы ыймахтыы
Түһүлгэ туонатын тэпсиэххэ!

Доҕоччуок барыахха ыһыахтыы
Сахабыт соргулаах күнүгэр,
Оһуохай оонньооммут ойуохха,
Алгыска тиксэммит үөрүөххэ!

Доҕоччуок барыахха ыһыахтыы
Куйаастан чаҕыйан турбакка,
Халадаай кэтэнҥин сайбайаар -
Мин куһаах курданан килбэйиэм!

Хомустан