Qorong'u kechada ko'kka ko'z tikib,
Eng yorug' yulduzda seni so'raymen.
Ul yulduz uyalib boshini bukib,
Aytadir:men uni tushda ko'ramen.
Tushumda ko'ramen shunchalar go'zal,
Bizdanda go'zaldir,oydanda go'zal.
Ko'zimni olamen oy chiqqan yoqqa,
Boshlaymen oydan seni so'rmoqqa.
Ul-aytadir bir qizil yanoqqa
Uchradim tushumda,ko'milgan oqqa.
Oqqa ko'milganda shunchar go'zal,
Mendanda go'zaldir,kundanda go'zal.
Erta tong shamoli sochlarin yoyib,
Yonimdan o'tganda so'rab ko'ramen.
Aytadir:bir ko'rib,yo'limdan ozib,
Tog'-u toshlar ichra istab yuramen!
Bir ko'rdim men uni-shunchalar go'zal,
Oydanda go'zaldir,kundanda go'zal!
Ul ketgach,kun chiqar yorug'lik sochib,
Uldanda so'raymen sening to'g'r