Левая колонка

Акжол Доранбек уулу

Последний визит: 22 мар 2023

Фильтр

Эртең, 7-декабрь күнү "Беш акын" теледолбоорунун жыйынтыктоочу кечеси өткөрүлөт.

30 жашка чейинки акындардын катарында биз да барбыз. Кечеге келип жаш калемгерди колдоп кетиңиздер! Кирүү акысыз!

Акжол Доранбек уулу

22 янв 2021

Акжол Доранбек уулу

Моюндоо

Толуп-ташып турсам гана бөксөрбөй,
Бирок болот көп учурда өкчөлмөй.
Өзгөрүлөм, өйдө-төмөн чарпылам,
Өз талабым өз шартыма төп келбей.

Чочулаймын чама-чарктуу эбимден,
Ооз учунан айтылган көп кебимден.
Убалынан корком чындап кээ бирде,
Убадамдын мурун-кийин берилген.

Турмуш сыны бүтпөчүдөй көрүнгөн,
Тоскоолдукту багынтуудан эринген.
Уялам да, аяйм кайра өзүмдү,
Улуу иштерге батыналбай чегинген.

Жагдайыма жооп издесем керектээр,
Жалаң гана таңууланган кеңештер.
Кем же түгөл болуу тагдыр дей албайм,
Кейишиме өзүм гана себепкер!

Бардыгына өзүм гана себепкер!

Доранбек уулу Акжол

Акжол Доранбек уулу

3 ноя 2020

Акжол Доранбек уулу

*****
Бактылуумун! Ооба билесиң.
Сүйгөнүмө жеткем көксөгөн.
Сени билбейм: кандай жүрөсүң,
сүйүүң өчкөн, балким өчпөгөн.

Чындыгында аруу жан элең,
Тун сүйүүңдү билем чектедим.
Турмуш курсам сүйгөн жан менен,
бак тиледиң, балким кектедиң...

Сен жөнүндө менде таптакыр,
Жаман ойлор болбойт, болбогон.
Менин бактым сага азаптыр,
Сени эсепке алып койбогон.

Мурункунун бороон-чапкынын
унут! Танда башка багытты.
Тилейм сага, издеп тапкының,
Меникинен ашкан бакытты.

Түптүз болсун баскан багытың,
Меникинен ашсын бакытың!

Доранбек уулу Акжол