Jonim oyoqlaring ostiga tashlab, Mehrim etdim faqat o'zingga tortiq. Quvonchlarim tanho senga ulashdim, Ne qilayin mehribonim bundan ortiq? Faqat sening isming bilan she'rlar bitdim, Kelarmisan deya men sog'indim, kutdim. Sensiz o'tgan har onimdan alam yutdim, Ne qilayin dilozorim bundan ortiq? Seni dedim, o'zgalarga qaramadim, Sevdim, evaziga dunyo so'ramadim. Ozgina mehringga bugun tashna qalbim, Ne qilayin bag'ritoshim bundan ortiq? Ko'zlarimdan kulgularni olib ketding, Yuragimga hijronlarni solib ketding. Bahtim, bugun qayerlarda qolib ketding? Muhabbatim etay faqat senga tortiq. Yana nelar qilay Jonim bundan ortiq?