Левая колонка

Людмила Ишкуатова

Последний визит: 05:13

Фильтр

Ават деке миял улмыж годым
Улмыжлан шыргыжал йывыртен.
Ават деке миял илмыж годым
Илмыжлан шыматал йӧратен.

От миял гын, ок вурсо аватше
Шӱлыкаҥ ончалеш йышт гына.
Огеш кӱл тый дечет пӧлекетше
Мийыметым чон дене вуча.

Шып гына пелешта йывырталын
Тамле чайжым йӱкта кумыл ден
Шып гына вӱчкалта йӧраталын
Чон ойгетым кертеш поремден.

Тарванет гын, лектеш ужаталын
Корнышкетше онча пеш кужаш
Эх, кунам гын адак толеш манын
Йӧсланен тӱҥгалеш шонкалаш.

Йӱдымат ок тол омо, ок мале
Окна воктене шинча эҥертен,
Вучаш кодшо авалан пеш неле
Шинчавӱдшым ӱштеш йӧсыж ден.

Ават деке миял улмыж годым
Улмыжлан шыргыжал йывыртен.
Ош туняште ават огеш лий гын,
Пеш чот йӧсӧ илаш ойырлен.