Дунё жуда ҳасадгуй, мижғов.
Борай десам қўйдинг мингта ғов.
Бугун кекса,сочлари қиров.
Онам мени кўргани келди.
Бир қўлида укамнинг қизи.
Мендек ақли бекамнинг қизи.
Оҳ омонат ҳовлимга изи.
Онам мени кўргани келди.
Вақтим бўлди улфатларимга.
Шодлик,кулгу,кулфатларимга.
Интиқ бўлиб суҳбатларимга.
Онам мени кўргани келди.
Умри ўтди кўкси тилиниб.
Ажин юзлар турар билиниб.
Нима топса менга илиниб.
Онам мени кўргани келди.
Фарзанд эдим,шуми менга эп.
Ўстирганди мендан қолса еб.
Шоир болам омонмисан деб.
Онам мени кўргани келди.
Мен Шоирмас нодонман, ғўрман.
Кўзи очиқ виждони кўрман.
Эҳ шунда хам у учун зўрман.
Онам мени кўргани келди.
Дунё жуда ҳасадгуй, мижғов.
Қоч йўлимга қўйма тўсиқ,ғо