Gəldiyin kimi də çıxıb gedirsən,Saxlaya bilmirəm yolundan səni.Qapıda qalmışıq iki saatdır,Tutmuşam söhbətə yalandan səni…Deyəsən, pəncərə açıq qalıbdır,Gedək pəncərəni bağlayaq gələk.Geciksən, nə olar beş-on dəqiqə,Ikimiz bir yerdə ağlayaq gələk…Görüşüb, ayrılmaq adətimizdir,Bir gün, bu adəti poza biləydik.Kaşki, ürəyimiz istəyən kimi,Alın yazısını yaza biləydik…Bəlkə günahsızıq, bəlkə günahkar,Bir dəli sevginin qurbanıyıq biz.Günahsız bir bəndə qınasın bizi,Axı bu dünyanın insanıyıq biz…