Sirrdir eşq ki, eşq əhli bu eyhamı bilir, Elə bir sirr ki gizlindi, fəqət hamı bilir. Əksi-yarın nə cəfa verdiyini hicr dəmi Hər kim almışsa ələ cami- güləndamı bilir. Gözə görsənmədən oxlar batırır cismimə yar, Belə ecazı nə Cəmşid, nə onun camı bilir. Göz yaşım kor edə hərgah məni, səhv salmam onu, Ləbim ol ləbdəki hər ləzzəti, hər tamı bilir. Nə qədər qəm çəkilib taleyimin dövrəsinə, Onu bir mən bilirəm, bir də ki rəssamı bilir. Aşiqin yetməyə can atdığı canan Əlidir, Nə deyirsiz deyin, Arif bu "əlif- lamı" bilir.
Haci Arif Buzovnali