Левая колонка

Канжарбек Алайский

Последний визит: 10 фев 2019

Фильтр

Заметки Увлечения

Канжарбек Алайский

16 сен 2017

Көтөр башты, мигрант!

Көтөр башты, көңүлүңдү түшүрбө,
Көз жашыңы көлдөтпөчү, үшкүрбө.
Аска зоодой атаң күтөт жол карап,
Ата Журтка керексиң сен бул күндө.

Он гүлүңүн бири гүлдөп ачылбай,
Бөтөн элде санааң турат басылбай.
Темир тордо жаш өмүрүң кор болуп,
Турса дагы көтөр башты басынбай!

Керексиң сен, үй-бүлөңө, апаңа,
Кендириңи кесип салба садага.
Ансыз деле өрттө калып он төрт кыз,
Арман толгон көз жаш калды талаада.

Он төрт кызды жол карашып күтүшкөн,
Он төрт табыт, дене бойду үшүткөн.
Жакшысынан жаман кабар көп болуп,
Жүк эки жүз, арылтпады мүшкүлдөн.

Кыргыз кыздар көп улутка кордолду,
Бакыт издеп, башка улутка жар болду.
Эл жерине кызмат кылар кезинде,
Эр азамат жүрөт шыпырып жолдор

Канжарбек Алайский

10 сен 2017

10 10

ТҮШҮНДҮМ АПА.

Жолумдун баары түз эмес экен,
Жомоктун баары түш эмес экен.
Акыры аңдап түшүндүм апа,
Адамдын баары сиз эмес экен.

Көзүнөн нуру тамганды көрдүм,
Көкүрөк толо арманды көрдүм.
Кылбасам дагы эч кимге зыян,
Кылыгы жаман жандарды көрдүм.

Чагылган, оттор өчкөнүн билем,
Чалышат алар өздөрүн билем.
Баааягы сенин, суу куйган гүлүң,
Бараткан сайын өскөнүн билем.

Жартымды жаман тордоду апа,
Жакшылар жамап оңдоду апа.
Жабыгып дүйнөм чачылаар кезде,
Жараткан өзү колдоду апа...

Күбүлгөн шактай күз болдум эчен,
Күйүткө калып жүз тоңдум эчен.
Энтигип далай арыштап барам,
Элиңе жакын болгун десең.

Жолумдун баары түз эмес экен,
Жомоктун баары түш эмес экен.
Акыры аңдап түшүндүм апа