Ya Sahib-əz-Zəman amandı gəlmə,
Ağa hava bətər dumandı gəlmə,
Bir zaman var idi hər nə yaxşıydı,
İndi hər nə varsa, yamandı gəlmə...
Qədim Aşiqlərdən daha xəbər yox,
O düz iradələr yox oldu gəlmə,
Hər nə desək dilimizdə deyirik,
Baxsan ürəklərə yalandı gəlmə...
Türkün məsəl ərz edirəm Ağacan,
Dünya bütün yalan-palandı gəlmə,
Hər yerdə sən özün nəzər et Ağa,
Zəmanəmiz bətər zamandı gəlmə...
Bu zamanda Huseyn yoxdu və illah,
Hər yer dolu Şimri Sənandı gəlmə.
Baxma hamı zikri Fərəc oxuyur,
Çoxu ləğləğeyi zəbandı gəlmə...
Yüzdə bir nəfərin qəlbi düz deyir,
Dinimiz riyadan talandı gəlmə...